2023 жылғы 29-31 тамыз аралығында Павлодар облысы орта білім беру ұйымының жас педагогтары үшін Bilimland компаниясы Ақпараттық технологиялар орталығының әдіскерлерімен бірлесіп «OnlineMektep-пен жұмыс істеуде әдістемелік және практикалық көмек» тақырыбында онлайн семинар өткізді. Іс-шараны ұйымдастырушылар инновациялық білім беру платформасын игеруге және оны күнделікті жұмысында қолдануға көмектесу үшін білім беру саласындағы жас мамандарды шақырды. Бұл үш күндік семинар қатысушыларға OnlineMektep функционалдығы мен мүмкіндіктерін зерттеуге бірегей мүмкіндік берді, ол сабақтарды тиімді өткізуге және оқушыларды оқытуға арналған құралдар мен ресурстардың кең ауқымын ұсынады. BilimLand жас мамандардың дамуын белсенді қолдайды және оларға заманауи білім беру ортасында табысты жұмыс істеу үшін барлық қажетті құралдар мен білімді қамтамасыз етуге тырысады. Семинарға 100-ден астам жас мамандар қатысты.