Ағымдағы жылдың 23 қыркүйегінде Ы.Алтынсарин атындағы облыстық қазақ гимназия-интернатында облыстың білім беру басқармасының ақпараттық технологиялар орталығын ұйымдастыруымен «FIRST LEGO LEAGUE» робототехника саласындағы халықаралық қозғалыс бойынша семинар өткізілді. FIRST бұл STEM-технологиясы бойынша білім беру саласында мен жастарға арналған робототехниканы ілгерілетуде әлемдік көшбасшы.
Семинарды «USTEM Robotics» робототехниканы дамыту қорының өкілі Асылбек Мырзахметов (Алматы қ.) өткізді, облыс мектептерінің 70-тен астам информатика мұғалімдері қатысты. Семинардың барлық қатысушыларына сертификаттар табысталды.
«FIRST LEGO LEAGUE» робототехника бойынша жарысы Қазақстан Республикасы Білім және ғылым Министрінің 2011 жылғы 7 желтоқсандағы № 514 бұйрығына кірді. Облыстық жарыстың өңірлік кезеңін ағымдағы жылдың желтоқсан айында өткізу жоспарлануда.
